Þingeyskt loft

5.5.2009 | 00:41

Ungt fólk og skuldir

Var að lesa þetta. Ég er í þessum hópi fólks á aldrinum 18-25 eins og okkur er skipt niður. Ungt fólk í dag fær enga hjálp varðandi fjármál. Fyrst þú ert ungur, þá áttu bara að borga það sem ber að borga, jafnvel þótt þú sért nýhættur í námi eða nýkominn á vinnumarkaðinn. Tek mig sem dæmi, mér er sama þótt fólk viti eitthvað um mín fjármál, enda kemst fólk ekki inná reikningana mína.

Ég á bíl sem er á verðtryggðu skuldabréfaláni upp á 1.000.000 í íslenskum krónum. Hef borgað um 500.000 krónur af þessu láni + 250.000 krónur í tryggingar og 40.000 krónur í bifreiðagjald sem er náttúrulega algjört kjaftæði að þurfa að borga. Lánið stendur í 998.000 krónum í dag, hef borgað 500.000 krónur en lánið lækkað um 2000 krónur, virkilega þægilegt. Borgun uppá 50.000 krónur á mánuði

Er með 500.000 í yfirdrátt sem er tilkomið vegna þess að námslán hjá LÍN eru brandari og ekkert gert fyrir námsmenn hérlendis sem er einsdæmi. Er að borga 15.000 krónur á mánuði inná yfirdráttarheimild en hún lækkar ekkert vegna vaxta, þannig ég tapa bara 15.000 krónum á mánuði og lækka ekki heimildina um krónu.

Er með kredidkort sem gengur vel að borga af. En ungur maður með 140.000 krónur útborgaðar á mánuði fyrir 100% starf er ekkert sérlega vel staddur með að borga niður þetta og þurfa að framfleyta bara sjálfum sér.

Eitt vil ég vita, af hverju er bara talað um fólkið sem getur ekki borgað lánin sín vegna peningaleysis. Af hverju er aldrei fólkið í umræðunni, sem GETUR borgað lánin sín alveg eins og gengur og gerist, en eiga síðan 5000 krónur til að framfleyta sér yfir mánuðinn eftir það.. Þarf ekkert að hjálpa því fólki?? maður spyr sig

og já PS. Fjandinn hirði Jóhönnu og Steingrím, þau eiga ekki eftir að gera neitt gott í ríkisstjórn nema að skuldsetja þjóðina ennþá betur ;)

	Kikna undan skuldum
Ábyrgðarmaður færslu Tilkynna um óviðeigandi tengingu við frétt

Bloggar | Slóð | Facebook | Athugasemdir (1)

18.9.2008 | 12:07

Ljót kvikindi

Ég hef sjálfur tekið eftir því að Ertuyglan er farin að sjást norðar en í Eyjafirðinum. Hef rekist á þrjár ef ekki fjórar slíkar á húsveggnum heima hjá mér á Húsavík og hef ég einnig séð hana í Kelduhverfi. Virkilega ljót greyið dýrin :)

	Ertuyglur farnar að sjást norðar en áður
Ábyrgðarmaður færslu Tilkynna um óviðeigandi tengingu við frétt

Bloggar | Slóð | Facebook | Athugasemdir (1)

26.2.2008 | 01:58

Schumi kallinn!

Eitt verð ég að nefna við þessa frétt. Schumacher hefur ávallt verið minn maður og væri ég líklegur til að gefa aleigu mína til að hitta þann ágæta mann.

En mér er spurn, hví í fjáranum var hann að hætta í þessu sporti? ég geri mér nú kannski grein fyrir því að hann vilji fara að eyða meiri tíma með konu sinni og börnum þar sem þau hafa þurft að þola mikið álag gegnum feril hans, og hann hætti sannarlega á toppnum maðurinn.

En svo kemur æfingartímabilið fyrir keppnistímabilið 2008.. hann birtist á æfingum og er tæknilegur ráðgjafi liðsins, hann skreppur upp í eitt stykki formúlu 1 bíl, og gjörsamlega valtar yfir menn eins og Raikkonen og Massa á æfingum. Ég held að Ferrari liðið ætti nú bara að ráða meistarann aftur undir stýri með hans vilja og láta hann sýna þeim í þessum bílum hver sé sá sem ræður ríkjum í þessari íþrótt.

	Hamilton með frumkvæði gegn Ferrari
Ábyrgðarmaður færslu Tilkynna um óviðeigandi tengingu við frétt

Bloggar | Slóð | Facebook | Athugasemdir (2)

25.2.2008 | 05:19

úbbs

Já ég segi nú ekki annað en að þessir feðgar hafi verið nokkuð stálheppnir að hafa sloppið aðeins nokkuð kaldir og blautir, býst reyndar við að þeir hafi verið holdvotir og verið alveg skítkalt blessuðum. Það er eins gott að kallarnir hafi fengið heitt kakó og kleinur eftir þennan blauta skell.

Annars... hvað ætli hafi orðið um hjólin? liggja þau á botni Hvaleyrarvatns, væri verðugt að reyna að fiska þessi hjól upp ef eitthvað er í þau varið ;)

	Tveir menn féllu niður um ís
Ábyrgðarmaður færslu Tilkynna um óviðeigandi tengingu við frétt

Bloggar | Slóð | Facebook | Athugasemdir (5)

Höfundur

Mikael Þorsteinsson

Ætli maður sé nú ekki bara stútfullur af þingeysku eðallofti sem ég vil kalla eina góða súrefnið á landinu. Búsettur á Akureyri og stunda frekar langt nám að mér finnst. Félagsskapur góðra vina er það eina sem þarf og það besta í þessum heimi er eldamennska mömmu gömlu. Annað þarf ekki að koma fram.